創業，對你嚟講係咩意思？

你點解會想創業？

係因為唔想再幫人打工？定係有個夢，想試吓實現佢？

係為咗賺錢，抑或係想證明畀世界睇：我得㗎！

每個人創業嘅原因都唔一樣，甚至有啲人都未必答得出「點解開始」。

但當你喺創業路上行得耐咗，呢個問題可能會不時浮上心頭：

「其實我點解做緊呢件事？」

創業可以係自由。

你想點做就點做，唔使再被人規限。

但創業都可以係壓力。因為一切後果都由你負責，冇得推、冇得閃。

「做創業者就好似咬玻璃，再望住死亡深淵。」

— Elon Musk

創業可以係理想。

你想做啲有意義、有改變嘅事。

但創業都可以係妥協。你要搵錢，你要轉型，有時理想會變得好遠。

「今天很殘酷，明天更殘酷，但後天很美好，大部分人死在明天晚上，卻看不到後天的太陽。」

— 馬雲

創業可以係孤獨。

夜深人靜，得返你一個喺度諗下一步應該點行。

但其實你唔係一個人。世界上有無數人，都喺經歷住相似嘅掙扎。

我哋希望，澳門創業俱樂部可以係你嘅其中一個據點，一個唔使獨行嘅地方。

創業唔一定係成功，但一定係成長。

最緊要係，你仲記唔記得當初點解開始。

「想做好一份工，唯一方法就係熱愛你所做嘅嘢。」

— Steve Jobs

你呢？創業，對你嚟講，係咩意思？

歡迎你喺DM我地分享你嘅故事，等我哋一齊行多啲、撐遠啲。